Val

Val

Valið er umgjörð um frjálsan leik barnanna. Þar geta börnin valið um ýmis svæði og viðfangsefni og æfast í því að standa við sitt val og að bíða, því ekki er alltaf laust pláss í því sem þau vilja.
Valsvæðin fyrir hádegi eru 5-7 talsins hverju sinni. Það er innandeildar val og sett upp í ákveðnu valkerfi á Ási og stendur fram að hópastarfinu (söngstund á föstudögum).
Eftir hádegi á miðvikudögum blandast svo Ás og Nes saman í vali sem börnin kalla ,,stóraval" og er þá gjarnan valið um útiverkefni líka. Er þá amk. einn starfsmaður með hvern valhóp í ákveðnu verkefni.

Fyrsta föstudag í mánuði opnast svo öll svæði og deildir upp úr kl. 10 og börnunum er frjálst að velja sér stöðvar og svæði eftir því sem þau kjósa hverju sinni. Það köllum við ,,flæðival".