Leikskólinn í Stykkisholmi

Umsóknir um leikskólavistun næsta vetur

Tue, 28 Apr 2026 13:14:00 +0000

Eins og fram kemur í innritunarreglum leikskólans þarf umsókn að liggja fyrir í síðasta lagi 1. maí ef óskað er eftir leikskóladvöl að hausti. Við viljum því hvetja þá foreldra sem þetta gæti átt við, til að huga að umsóknum.

Lausar stöður í Leikskólanum í Stykkishólmi

Fri, 24 Apr 2026 13:46:00 +0000

Leikskólinn í Stykkishólmi auglýsir lausar stöður: 100% stöðu deildarstjóra. 100% stöðu leikskólakennara. Tæplega 60% stöðu við ræstingar. Í stöðu deildarstjóra og leikskólakennara er gerð krafa um leikskólakennaramenntun eða aðra sambærilega menntun. Góð tölvu-og íslensku kunnátta og færni í samskiptum er nauðsynleg. Betri vinnutími hefur verið innleiddur að fullu í leikskólanum. Vakin er athygli á því að ef ekki fást leikskólakennarar til starfa koma aðrar umsóknir til greina. Athugið að starfið hentar öllum kynjum. Stöðurnar eru lausar frá 10. ágúst 2026. Umsóknarfrestur er til 11. maí 2026. Öllum umsóknum verður svarað.

Laus staða í leikskólanum í Stykkishólmi

Wed, 11 Feb 2026 10:07:00 +0000

Leikskólinn í Stykkishólmi auglýsir lausa 100% afleysingastöðu, viðkomandi þarf að geta hafið störf sem fyrst. Góð íslensku kunnátta er skilyrði, færni í samskiptum er nauðsynleg og metnaður fyrir leikskólakennslu. Vakin er athygli á því að ef ekki fást leikskólakennarar til starfa, munu aðrar umsóknir koma til greina. Reynsla af uppeldis-og kennslustörfum með ungum börnum er æskileg.

Sögustund.is í leikskólanum

Thu, 22 Jan 2026 14:12:00 +0000

Mánudaginn 19. janúar fengum við til okkar Kristjönu Skúladóttur leikkonu frá Sögustund.is með sýningu. Sýningin var í boði foreldrafélagsins og var afar skemmtileg og náði vel til barnanna sem hljógu mikið og vel af sögunum af þeim Rakel og Rúsínu og Jófríði nágranna þeirra og tröllastráknum Grjótfinni Drullmundarsyni og ævintýrum þeirra. Við þökkum foreldrafélaginu vel fyrir.

Jólakveðja

Mon, 22 Dec 2025 12:57:00 +0000

Jólakveðja frá nemendum og starfsfólki leikskólans með þökkum fyrir samveru og samstarf á árinu sem er að líða.

Leikskólinn í jólasamverustund skólanna í kirkjunni.

Wed, 10 Dec 2025 12:54:00 +0000

Í morgun fórum við í hina árlegu jólasamverustund skólanna í Stykkishólmi sem haldin var að venju í Stykkishólmskirkju. Löng hefð er orðin fyrir þessari samveru eldri deilda leikskólans, yngri bekkja grunnskólans og tónlistarskólans. Að venju fluttu leikskólabörnin nokkur lög og höfðu gaman af ferðinni, ekki síst þar sem við fórum í rútu með Gumma bílstjóra sem tók hefðbundinn jólaljósarúnt á leiðinni í leikskólann aftur. Þriðji bekkur flutti helgileik og nokkrir af nemendum tónlistarskólans fluttu tónlistaratriði ýmist með kennurum sínum eða einleik.

Gemlingasveit Tónlistarskólans í heimsókn

Wed, 10 Dec 2025 12:43:00 +0000

Gemlingasveit Tónlistarskólans kom í jólaheimsókn til okkar á dögunum. Þau tóku fyrir okkur nokkur lög og við fengum líka kynningu á þeim hljóðfærum sem þau spiluðu á. Við þökkum þeim kærlega fyrir komuna.

Heimsókn á Systraskjól

Thu, 20 Nov 2025 14:07:00 +0000

Elstu nemendur leikskólans lögðu land undir fót og heimsóttu Systraskjól miðvikudaginn 19. nóvember. Þar var mikið sungið og trallað og gleði skein úr hverju andliti, bæði ungra og aldinna. Við létum ekki bleytu og slabb á okkur fá en þetta er töluverður göngutúr fyrir stuttar fætur.

Gjöf frá foreldrafélaginu

Thu, 20 Nov 2025 13:40:00 +0000

Á dögunum færði foreldrafélagið okkur að gjöf 12 endurskinsvesti með ljósum til að nota í útikennslunni. það var Sara Rún gjaldkeri félagsins sem kom og afhenti Hjalta Hrafni sem umsjón hefur með útikennslunni vestin. Skrímslahópurinn á Ási fór í fyrstu ferð í vestunum á mánudaginn og Draugahópurinn fylgdi svo í kjölfarið morguninn eftir. Vestin nýtast aldeilis vel ekki síst núna í skammdeginu og þökkum við foreldrafélaginu innilega fyrir gjöfina og góðvild þeirra í okkar garð.

Ný stjórn foreldrafélagsins og foreldraráð

Fri, 26 Sep 2025 11:37:00 +0000

Á aðalfundi foreldrafélags leikskólans var skipuð ný stjórn félagsins: Víglundur Jóhannsson, formaður Gunnhildur Gunnarsdóttir, ritari Sara Rún Guðbjörnsdóttir, gjaldkeri Kristín Alma Rúnarsdóttir Björg Gunnarsdóttir Foreldraráð skipa: Monika Cubero Óttar Sigurðsson Guðbjörg Arna Evudóttir

Leikskólinn lokaður föstudaginn 12. september frá kl 12:00

Tue, 09 Sep 2025 10:08:00 +0000

Vegna útfarar okkar ástkæru Ingu, þá lokar leikskólinn kl 12:00 á föstudaginn.

Maxímús í leikskólanum

Thu, 19 Jun 2025 13:00:00 +0000

Maxímús Músíkús er án efa frægasta og færasta tónlistarmús Íslands og þó víðar væri leitað, en bækurnar um hann hafa notið gífurlegra vinsælda meðal íslenskra barna og hafa farið sigurför um heiminn. Maxímús ásamt Dagnýju Marinósdóttur flautuleikara og tónlistarkennara komu og heimsóttu okkur í gær í boði foreldrafélagsins. Börnin tóku vel á móti þeim og voru til mikils sóma á sýningunni.

Útskrift elstu nemenda leikskólans

Tue, 03 Jun 2025 15:33:00 +0000

Miðvikudaginn 28. maí fór fram formleg útskrift elstu nemenda leikskólans. Börnin undirbjuggu dagskrá og buðu fjölskyldum sínum á viðburðinn. Þau völdu sér tvö lög til að vinna með, þau vinsælustu þegar líða fór á veturinn, Róa með VÆB og Ég er frjáls úr sýningu Þjóðleikhússins á Frost. Allir skemmtu sér vel og sýndu börnin mjög mikla útsjónarsemi við undirbúninginn. Tuttugu börn útskrifast þetta vorið og eru þau búin að fá nasaþefinn af grunnskólanum, bæði með heimsóknum þangað í vetur og vorskóla í þrjá daga í maí eftir hádegi. Sjá má myndir frá útskriftinni og fleiru úr starfinu á myndasíðunni okkar.

Staða deildarstjóra laus til umsóknar

Thu, 10 Apr 2025 09:49:00 +0000

Leikskólinn í Stykkishólmi auglýsir lausa 100% stöðu deildarstjóra. Einkunarorð skólans eru: Virðing – gleði – kærleikur. Staðan deildarstjóra við Leikskólann í Stykkishólmi er laus frá 1. ágúst 2025.

Umsóknir um leikskólavistun næsta vetur

Wed, 26 Mar 2025 11:03:00 +0000

Leikskólinn í Stykkishólmi minnir á að umsóknir um leikskólavistun að hausti 2025, þurfa samkvæmt skráningar og innritunarreglum að hafa borist fyrir 1. maí. Umsóknareyðublöð má nálgast í leikskólanum og á ,,mínum síðum” á heimasíðu Sveitarfélagsins Stykkishólms. Úthlutun leikskólaplássa fer fram í maí.

Dagur leikskólans 6. febrúar 2025

Wed, 05 Feb 2025 14:35:00 +0000

Í skugga verkfallsaðgerða og kjarabaráttu minnum við á dag leikskólans. Að þessu sinni vildum við kynna fjölbreyttan hóp kennara sem starfa hér.

Jóla- og nýárskveðja leikskólans

Wed, 08 Jan 2025 13:33:00 +0000

Jóla- og nýárskveðja leikskólans

Aðalfundur foreldrafélagsins

Wed, 25 Sep 2024 08:43:00 +0000

Aðalfundur foreldrafélags leikskólans var haldinn í sal leikskólans þriðjudaginn 24. september kl. 20:00. Stjórnin gaf öll kost á sér aftur til stjórnar næsta skólaár. Auk þess var kosið í foreldraráð.

Farsæld barna, samþætt þjónusta

Tue, 27 Aug 2024 10:57:00 +0000

Meginmarkmið Farsældarlaganna er að börn og foreldrar, sem á þurfa að halda, hafi aðgang að samþættri þjónustu við hæfi án hindrana. Samþætt þjónusta er skipulögð og samfelld þjónusta sem hefur það að markmiði að stuðla að farsæld barns og er veitt af þeim þjónustuveitendum sem eru best til þess fallnir að mæta þörfum barns hverju sinni. Farsæld barna felur í sér að tryggja aðstæður sem skapa barni skilyrði til að ná líkamlegum, sálrænum, vitsmunalegum, siðferðilegum og félagslegum þroska og heilsu á eigin forsendum til framtíðar samkvæmt nýrri löggjöf um samþættingu þjónustu í þágu farsældar barna. Foreldrar og börn í Stykkishóli hafa aðgang að tengilið í leikskóla sveitarfélagsins.

Laust starf leikskólakennara

Mon, 19 Aug 2024 13:13:00 +0000

Virðing-gleði-kærleikur Leikskólinn í Stykkishólmi auglýsir lausa 100% stöðu leikskólakennara. Staðan er laus 1. október eða fyrr. Gerð er krafa um góða tölvu-og íslensku kunnáttu, færni í samskiptum er nauðsynleg og metnaður fyrir leikskólakennslu. Vakin er athygli á því að ef ekki fást leikskólakennarar til starfa, munu aðrar umsóknir koma til greina. Reynsla og menntun af uppeldis-og kennslustörfum með ungum börnum er æskileg og viðkomandi þarf að geta unnið undir miklu álagi. Betri vinnutími hefur verið innleiddur að fullu í leikskólanum. Athugið að starfið hentar öllum kynjum eldri en 18 ára. Allar nánari upplýsingar gefa Sigrún Þórsteinsdóttir leikskólastjóri og Elísabet Lára Björgvinsdóttir aðstoðarleikskólastjóri á netfanginu leikskoli@stykkisholmur.is og í síma 4338128 og 8664535. Umsóknareyðublöð liggja frammi á skrifstofu Stykkishólmsbæjar og á íbúagáttinni á vef bæjarins www.stykkisholmur.is Umsóknarfrestur er til 30. ágúst 2024. Öllum umsóknum verður svarað.