Hópastarf á Ási

"Lubbi finnur málbein" er samfléttað við náttúruna og umhverfið í þemanu.

"Virðing - gleði - kærleikur" eru einkunnarorð leikskólans og það sem starfið byggir á.

Vinátta - eineltisverkefni Barnaheilla og bangsinn Blær eiga einnig að vera áberandi í starfinu.

Hópastarf er fjórum sinnum í viku, klukkan 9:50-11:45 mánudaga til fimmtudaga og hefjast alltaf á samverustund. Sér verkefni elstu nemenda og skipulagðir málörvuntímar eru innan hópastarfsins sem og skógarskólinn/útikennslan (sjá nánar neðar á síðunni). Þema leikskólans undanfarin ár hefur verið ,,Náttúran, umhverfið og við" og umhverfismenntin þar stór þáttur, en skólinn er á ,,grænni grein". Við vinnum þetta töluvert út frá Lubba og málbeinunum hans og fléttum öll námssvið og grunnþætti leikskólans saman í skapandi vinnu. Aukin áhersla verður á sjálfsprottinn leik barnanna og frjálsan leik. Hóparnir, þ.e. börnin sjálf hafa mikið um það að segja hvernig starfið þróast. Hóparnir eru þrír. Náttúran og umhverfið í kringum leikskólann er margbrotið og gefur mikla möguleika sem við komum til með að nýta okkur í vettvangsferðum og útiveru sem og útikennslunni. Bakkasel, hliðarhús við leikskólann, er góð viðbót við starfið en þar fer fram ýmiskonar sköpunarvinna með ýmiskonar efnivið. Stöðvarstjóri á Bakkaseli er Malla og fara hópar af Ási til hennar með hópstjóra sínum aðra hvora viku á móti Nesi.

Allt starfið á að endurspegla einkunnarorð leikskólans ,,Virðing-gleði-kærleikur".

Í þemavinnunni styðjumst við við hina svokölluðu ,,Könnunaraðferð" og hér neðar á síðunni má sjá stutta lýsingu á aðferðinni, foreldrum til glöggvunnar, sem og hópaskiptingar.

Markmið með hópastarfi

að börnin læri að vinna saman í hóp og taki tillit til hvers annars.
að börnin fái tækifæri til að vinna saman að fjölbreyttum verkefnum og þjálfa einstaka þroskaþætti í leik.
að börnin fari eftir reglum, þjálfist í að rökstyðja mál sitt og beri virðingu fyrir skoðunum annarra.
að börnin öðlist öryggi innan hópsins og læri að takast á við þau verkefni sem unnið er að og fái að efla hugmyndaflug sitt og sköpunargleði.
Að börnin fái nægt rými fyrir frjálsan leik og að þróa hann.
Stefnt er á að efla skráningar á leik barnanna.

Könnunaraðferðin

Nafn aðferðafræðinnar lýsir henni nokkuð vel, að hluta að minnsta kosti, því hún byggir á áhuga barnanna, þ.e. hvað þau vilja kanna innan ákveðins ramma (þemasins).

Aðferðin er þrepaskipt, í upphaf, miðbik og lok, og með henni er leitast við að samþætta öll námssvið einstaklingsins. Fyrst og fremst er reynt að þjálfa vitræna þætti, aðrir þroskaþættir fylgja þá með, vegna þess hve fjölbreytni verkefna og þeirra leiða sem farnar eru að markmiðum, er mikil.

Yfirmarkmið aðferðarinnar er að mennta börn, efla ekki aðeins þekkingu og leikni, heldur einnig tilfinningar, siðgæði, viðhorf og fagurfræðilegt næmi. Þeir sem aðhyllast þessa aðferð telja að nám sé mun líklegra til árangurs ef áhugi barnanna ræður ferðinni. Áhugahvötin spilar því hér stórt hlutverk. Það að börnin hafi ákveðið val um viðfansefni, er talið eitt af lykilatriðum að því að vekja áhuga barnsins fyrir náminu. Vinnan er ferli sem felst í því að spyrja og rannsaka og getur tekið yfir, jafnt langan tíma sem styttri.

Fyrsta þrep miðast að því að finna út hvað börnin vita um efnið og hvaða reynsla býr þar að baki. Skoða þarf hvað börnin geta lært hvert af öðru og hvaða spurninga þau spyrja. Það er gert með sem fjölbreyttustu aðferðum. Umræður eru eitt af lykilatriðunum og því þarf að spyrja spurninga sem vekja þær. Í gegnum frjálsa sköpun og leik, tjá börnin einnig vitneskju sína. Bent er á að gott sé að skrá þekkingu barnanna upp í eins konar ,,vef”, til þess að fá yfirsýn yfir hana. Einnig hentar sú aðferð vel til þess að starfsmenn geri sér grein fyrir þeim leiðum sem færar eru í átt að markmiðunum.

Á öðru þrepi fer fram hin eiginlega rannsókn barnanna á viðfangsefninu jafnframt því sem umræðum og annarri vinnu af fyrsta þrepi er haldið áfram. Rannsóknarvinna getur verið vettvangsferðir og tilraunir með efnið, þar sem börnin leita svara við þeim spurningum sem hafa vaknað í fyrri vinnu, um leið og nýjar spurningar kvikna. Börnin vinna svo úr nýrri reynslu á sem fjölbreyttastan hátt og eftir eigin áhuga. Áhugi barnanna, aldur og reynsla ráða því hversu djúpt er kafað.

Á þriðja þrepi er vinnan metin og endurskoðuð. Ákveðnir þættir eru síðan valdir til kynningar og komið á framfæri við aðra, t.d. með sýningu myndverka og ljósmynda, upplestri, leikrænni tjáningu, söng, hljóðfæraleik og fleira.

Söngbók

Söngur mun skipa háan sess í þemanu. Suma textana munum við læra utan að en aðra munum við læra að þekkja og vinna með innihald textans, allt eftir aldri og áhuga hvers hóps. Tákn með tali er notað þar sem undirstrikað er í textunum (sjá tmt.is). Söngbækurnar "Náttúran og við" og "Virðing-gleði-kærleikur" má finna hér. Lubbalögin má finna í bókinni Lubbi finnur málbein en það fylgir diskur með bókinni og lögin með Blæ (Vinátta) má finna á Spotify.

Útikennslan/skógarskólinn

Nemendur á Ási fara í útikennsluna í hópunum sínum einu sinni í viku (sjá dagana undir hópaskiptingunni). Á undan fara þau í Blæstund og leggja af stað í skóginn upp úr kl. 10. Þau fá hádegismatinn í skóginn og borða þar í ,,Stóra rjóðri" eins og þau kalla það og fara svo í lestrarstund í öðru rjóðri. Börnin una sér nær undantekningarlaust vel í skóginum við leik, uppgötvanir og upplifanir og halda gjarnan áfram að þróa leik sinn viku eftir viku, ásamt því að þau fylgjast með breytingum á skóginum eftir árstíðum. Farið er í alls konar veðrum svo framarlega sem fært er. Heimkoma er yfirleitt á milli kl. 13 og 14 eftir veðri og aðstæðum. Hjalti er með umsjón yfir útikennslunni og fer með öllum hópum ásamt hópstjórunum.

Hópaskiptingar skólaárið 2026-2027

Ellý hefur umsjón með skipulagningu sérverkefna elstu barnanna og samskiptum við GSS og er afleysing og stuðningur inni á deildinni, t.d. í samverustundum og hópastarfi. Hjalti hefur umsjón með útikennslu/Skógarskólanum í Nýræktinni.

Árgangur 2021 B - útikennslan á mánudögum
Hópstjóri: Berglind Ósk (Boris)

Adrían Örn

Alexander Elfar

Ásta Bryndís

Garðar Logi

Hallfríður Hjördís

Hrafntinna Embla

Olivia Eldey

Valborg

Árgangur 2021 J - útikennslan á þriðjudögum
Hópstjóri: Joanna (Ellý)

Alan

Anthony Noah

Axel Máni

Ásgeir Óli

Baldur

Frosti

Hrafn

Árgangur 2022 - útikennslan á fimmtudögum

Hópstjóri: Ísak (Halldóra)

Brynja Arney

Efemía Klara

Hera María

Hrafnhildur Lóa

Isabella

Maria-Mirabela

Mia Aleksandra

Móeiður Dröfn

Þórunn María

Sjá nánar um hópastarfið og námssviðin í skólanámskránni.