Breytilegur vistunartími í leikskólanum
10.06.2021
Heimilt verður að sækja um breytilegan vistunartíma í leikskólanum með meðfylgjandi skilyrðum frá og með 1. september 2021.
Vistunartími sé að lágmarki 4 tímar alla daga vikunnar.
Vistunartími hefjist kl. 10:00 í síðasta lagi.
Vistunartími sé eins allar vikur.
Binditími verði 5 mánuðir. Segja verður upp samningi með mánaðar fyrirvara.
Aðstæður hafa breyst hjá mörgum foreldrum m.a. með tilkomu styttingar vinnuvikunnar. Möguleiki á sveigjanlegum vistunartíma gæti því orðið til góðs fyrir margar fjölskyldur.
Vistunartími 7:45-16:30
Einnig verður frá 1. september 2021 hægt að sækja að nýju um tíma til kl. 16:30 á daginn að því gefnu að sóttvarnaraðgerðir verði ekki hertar á ný. Ekki verður haft opið til 16:30 nema að lágmark 5 nemendur séu skráðir með þann tíma.
Sækja þarf um allar breytingar á vistunartíma á þar til gerðu eyðublaði (Umsókn um breytingu á vistunartíma) á íbúagátt Stykkishólmsbæjar fyrir 10. ágúst 2021.