Sýning á Norðurljósahátíðinni

Opnuð hefur verið sýning á myndverkum nemenda í Leikskólanum í Stykkishólmi í tengslum við menningarhátíðina Norðurljósin 2018. Sýningin hefur hlotið nafnið ,,Myndverk í gluggum" og hefur verið komið fyrir í gluggum Skipavíkur verslunar. Á sýningunni eru 76 myndverk, eitt eftir hvern nemanda. Öll unnin síðustu vikurnar. Hvetjum við foreldra og aðra aðstandendur barnanna að gefa þessu gaum og staldra við til að skoða myndirverkin. Myndirnar snúa út þannig að hægt er að skoða sýninguna á öllum tímum.