Fréttir

Á liðnum árum og áratugum hafa fólksflutningar á milli landa og heimsálfa aukist hratt og sjaldan eða aldrei hafa eins margir í heiminum verið á faraldsfæti. Fyrir því eru fjölmargar ástæður, sumir velja að flytja sig um set til að fara í nám, gifta sig, sækja vinnu eða láta sig dreyma um betra líf fyrir börnin sín í nýju landi. Fríða Bjarney Jónsdóttir flytur erindi í tengslum við afmæli leikskólans. Hún er verkefnisstjóri fjölmenningar í leikskólum Reykjavíkur. Hún hefur unnið að málefnum innflytjenda, flóttafólks og umsækjenda um alþjóðlega vernd frá árinu 2001.

Nú í morgun hófust fyrstu framkvæmdir við lausa kennslustofu við leikskólann. Þar verður fjórða deild leikskólans með allra yngstu nemendunum og mun fá nafnið Bakki.

Leikskólinn hefur nú opnað aftur eftir sumarleyfi. Aðlaganir á milli deilda standa yfir og eru nýjir nemendur að hefja aðlögun á öllum deildum. Bjóðum við nýja nemendur og fjölskyldur þeirra velkomnar. Nokkrar breytingar hafa orðið í kennarahópnum. Rebekka Rán, Sara Diljá, Sigurlína og Kristrún hættu störfum um sumarleyfi og Sólbjört fór í árs leyfi. Karín Rut hefur verið ráðin í stöðu deildarstjóra á Vík í eitt ár og Sigrún Anna er að taka við deildarstjórastöðu á Ási þar sem Ellý mun snúa sér meira að sérkennslu auk þess að vera áfram aðstoðarleikskólastjóri. Ólafur Ingi Bergsteinsson hóf í dag störf á Ási og Sigríður Sóley Þorsteinsdóttir byrjar á Vík 21. ágúst. Hjalti Hrafn Hafþórsson mun hefja störf í byrjun október. Þann 15. ágúst byrjar svo Rúna Ösp Unnsteinsdóttir í vinnu hér skv. örorkuvinnusamningi frá kl. 13-14. Enn hefur ekki verið fullráðið í allar stöður.

Leikskólinn í Stykkishólmi auglýsir lausar stöður leikskólakennara á hausti 2017. Vakin er athygli á því að ef ekki fást leikskólakennarar til starfa, munu aðrar umsóknir koma til greina. Athugið að starfið hentar bæði körlum og konum. Umsóknarfrestur er til 11 ágúst 2017. Öllum umsóknum verður svarað.

Við höfum fært sumarhátíðina og ætlum að hafa hana fimmtudaginn 15. júní í stað 16. júní eins og fram kemur í viðburðadagatalinu okkar.

Svona var aðkoman hjá okkur einn morguninn.

Opið hús verður í leikskólanum föstudaginn 28 apríl kl 14:00 - 16:00

Fimmtudaginn 6. apríl ætlar foreldrafélagið að vera með sína árlegu páskaeggjaleit og hefst hún kl. 16:00

Síðustu þrjá mánudaga hafa átt sér stað nemendaskipti á milli leikskólans og 1. bekkjar grunnskólans. Er það liður í samstarfi skólanna og ætlað að auðvelda börnunum flutninginn á milli skólastiganna.

Föstudaginn 17. mars ætlum við að hafa röndóttan dag.